American Pancake

Səhər süfrələri üçün çox qısa zamanda hazırlanan pancake'in hazırlanma qaydasını yazmaq istəyirəm. Yazacağım resept yarım ölçüyə görədir. Orta boyda hazırlayacaqsınızsa o zaman təxminən 10 ədəd alınır. Əgər daha çox istəyirsinizsə tərkibindəkiləri iki dəfə artıra bilərsiniz :) Keçək içindəkilərə:

İçindəkilər:

1 yumurta

1 yemək qaşığı şəkər tozu

1 çimdik duz

1 stəkan süd

1 yemək qaşığı duru yağ

1 paket qabartma tozu

1 paket vanil

1,5 stəkan un

Hazırlanışı

Əvvəlcə 1 yumurta ilə 1 yemək qaşığı şəkər tozunu tel fırça ilə yumurta köpüklənənə kimi çalırıq. 

Daha sonra 1 çimdik duz, 1 stəkan süd və 1 yemək qaşığı duru yağ (mən günəbaxan yağını üstün tuturam) əlavə edib, təkrar fırça ilə çalmağa davam edirik.

Daha sonra 1 paket vanili kütlənin içinə əlavə edirik. Qabartma tozunu 1 stəkan unun içinə qarışdırıb, yavaş-yavaş qarışımın içinə əlavə edib, qarışdırırıq. Beləliklə, yavaş-yavaş 1,5 stəkan unu tamamilə əlavə edir və qarışdırırıq.

Ən son alınan kütlə bu halda olmalıdır. Nə çox qatı, nə də çox duru.

Pancake hazırlanışında ən önəmli nöqtə tavadır. Tavanız tefal tava olmalıdır. Tavaya qətiyyən yağ əlavə etmirik. Xəmiri tavaya əlavə etdikdə, bir az yayılacağı üçün həcmini özünüz müəyyən etməli olacaqsınız. Bir-iki cəhddən sonra əliniz alışacaq :) 

Tavanızı yüksək dərəcədə qızdırırsınız. 1 çömçəyə dolu olmamaq şərtilə, tavanızın və istədiyiniz ölçüyə görə xəmiri tavaya yaymadan, tərpətmədən tökürsünüz. 1 dəq gözləyirsiniz. Bu zaman ərzində çevirib,altını tərpədib baxmaq olmaz. Yoxsa istədiyiniz nəticəni ala bilməyəcəksiniz. Daha sonra 1 dəqiqə keçdikdən sonra, tefal uclu çevirənlə bir dəfəyə o biri üzünə çeviririk. Beləcə ikinci tərəfi də bişmiş olur :) Eyni ölçüdə alınmağını istəyirsinizsə, əliniz alışdıqdan sonra rahatlıqla edəcəksiniz. Və ya mağazalarda dairə halında pancake bişirmək üçün halqalar satılır. Onu da istifadə edə bilərsiniz.

Ən sonda hazırladığınız pancakeləri nutella, meyvələr və ya mürəbbə ilə bəzəyib süfrəyə verə bilərsiniz. Nuş olsun :)

Qız-Qıza keçirilən super 1 Gün ...

Qızlarla olan partyləri,gəzməkləri həmişə sevirəm.Hər şeydən danışmaq,bəlkə,"qeybət" olsa da qeybət qırmaq :),gəzmək,əylənmək çox sevdiyim şeylərdəndir..Bununla bütün yorğunluğum çıxır..İStərdim hər gün belə gözəl keçsin,hətta,ən pis günümüz belə gözəl olsun!AMİN,İNŞALLAH!

Hmm,keçən postda bəhs etdiyim kimi,şəkilləri paylaşım ;)

Nərimanov Parkı

Dayanılmaz Ləzzət-Lahmacun (: Neftçilər-Kardeşler Lahmacun.


Hər dəfə bunu görəndə çaşıram,həqiqiyə oxşayır :) Kardeşlerin Brendi :D


"Afina +"-çoox gözəl istirahət yeri idi,narıncı aura vardı işəridə,ilk dəfə getdim və çox bəyəndim,qrup yoldaşım N'nin sayəsində,təşəkkür :)!


Gözəl bir çay keyfi...Gəzinti bununla da yekunlaşdı ;)

Ləziz Post ;) ya da toyuq çöp-şiş kabab

Son zamanlar blogla maraqlanmağa heeeç vaxtım yoxdur..Səbəbini bir sonrakı postda yazaram ;) Çünki,indi iftar vaxtıdır ;) Qəza Orucum qalıb,onları tuturam.Bu da İftar yeməyim ;)


ANAMın əllərinə sağlıq :)!

20 sentyabr-Neftçilər Günü .

Gözəl bir süfrə hazırlamışdıq.Azərbaycan plovu,cücə ləvəngi ilə.Sadəcə acmışdıq :),çəkməyə həvəs olmadı şəkillərini :)
Şəkil www.azcookbook.com saytından götürülb ;)

Sadə Azərbaycan plovu :

5stəkan düyü (1kq) duzlu ilıq suda isladılır.O islanarkən kənarda 1 qazan su (düyüyə görə) qaynadılır.Su qaynayan zaman düyünü qaynar suya əlavə edirik.10 dəq-dən sonra artıq düyünü süzürük.Süzdükdən sonra düyünü dəmə qoyuruq.Aralarına sarıkök da əlavə edirik.Süfrəyə verəndə isə yağlayırıq ;) Qazmağını isə gələn dəfə yazaram ;)

Almalı piroq və ya Şarlotka "Qızılgül" 12 paylıq : - 150 qr yumşaq kərə yağı - 1 çimdik duz - 190 qr şəkər tozu - 3 yumurta - 250 qr un - 1 çay qaşığı qabartma tozu - 4 iri alma (şirin) - 1 xörək qaşığı şəkər pudrası Hazırlanışı : 1.Yumşaq kərə yağını azca çalıb,150 qr. şəkər tozunu əlavə edib mikserlə çalırıq.Yumurtaları bir-bir əlavə edirik.Sonra qabartma tozu əlavə olunmuş unu əlavə edirik (ələyərək).Sobanı 180 dərəcədə isidirik. 2.Almaların qabığını təmizləyib yarıya bölürük və bıçaqla almanın üzərində sonacan kəsməmək şərilə kəsiklər qoyuruq.Diametri 26 sm olan tavanı yağlayırıq (marqarin olar),unlayırıq,xəmiri tavaya töküb,hamarlayırıq.Almaları üzərinə düzürük (gül formasında).Və qalan şəkər tozunu üzərinə səpirik45 dəq. bişiririk.Süfrəyə verməzdən öncə üzərinə şəkər pudrası səpirik.

Nuş olsun! Resept "Liza" jurnalından götürülüb.Bişirilməsi isə BACIMa Məxsudur.Əla alınmışdı.Yoxlamağa dəyər ;)

Mənim İftar Yeməyim :)

Yemək barəsində çox kaprizliyəm.Hər şeyi yemərəm.Bu gün yediyimi səhər yemərəm :).ANAmı da yormuşam.Hər gün evdə "bu gün nə yeyəcəksən" sualı ilə üz-üzəyəm :) Artıq özüm də yorulmuşam :( Amma,nə etməli..Hər gün netdə yemək axtarıram,yeni dadlar olsun.Bəzən heç birini bəyənmirəm..O zaman da ac qalıram..Acmıram,amma,normal olaraq heç nə yemirəm.Bu dəfə ANAmda xahiş etdim,mənə ət qutabı bişirdi ;) Çox dadlı idi..

Xəmiri :

3 st. un
2 x.q. bitki yağı
2 x.q. qatıq
çay sodası
su
duz

İçi üçün :

Qiymə
Nar

Hazırlanışı :

Xəmir yayılır,içərisinə qiymə qoyulur,daha sonra,aypara şəklində bükülür və bitki yağında hər iki üzü qızardılır.İsti-isti üzərinə sumaq səpilir.

Nuş Olsun ;)

Makaron Salatı

Dünən bloglara baxarkən 1 blog tapdım.Hansanın blogu..Oradan bu makaron salatını gördüm.Elə gözəl görünürdü ki...Mmm,ləziz.Adını çox eşitsəm də,üzünü çox görsəm də,bu makaron salatını heç dadmamışdım.Daha doğrusu makaronla necə olar?! deyə düşünüb etməmişdim...Amma,dünən artıq tərifini aldım vəəə günortaya hazırladım..Şəkil filan çəkmək ağlımdan keçsə də,o qədər dadlı görünürdü ki,yaddan çıxdı,daha doğrusu həvəs olmadı,mən də yedim :D

Tövsiyə edirəm..

Tərif:

-1 paket incə makaron
-Konservləşdirilmiş qarğıdalı
-Duzlu xiyar
-Közlənmiş bibər
-Cəfəri,şüyüd
-İstiot,duz
-Mayonez.

Nuş olsun!

Şəkil və tərif Hansaya məxsusdur,bir 2 ərzaq da mən əlavə etdim :)

Ev işləri və Mən ?!

Səhər yuxudan yarımçıq durmuşam.Kompüteri yandırana qədər yuxum tökülürdü gözümdən :),amma,sonra bu yuxu harasa qaçdı və mən onu tuta bilmədim :).Səhər yaxşıca nahar etdim,11də.6-cı gün olduğundan dərslər də yoxdur və evdəyəm.Evdə qalmağı heç sevmirəm.Qalanda özümü çox narahat hiss edirəm,gərək nə iləsə başımı qarışdırım ki,darıxmayım.Elə-beləcə heç sevmədiyim bir iş olan ev yığışdırmaqla məşğul oldum.Ev deyəndə bütün otaqları deyil,yalnız öz otağımı :).Digərləri onsuz təmizdir,amma,gündəlik olaraq bizim otaqda aləm qarışır,dəftər-kitab artıq rəflər bezib onların əlindən.Testlər,nə qalınlığına dərs kitabları.Dəftərlər,kserekopyalar :)..Nə isə,hamısını səliqəyə saldım,tozunu aldım.1-ci gün yenə aləm dəyəcək bir-birinə :D.Yox,yox,heç olmasa 2-3 gün keçəndən sonra mən yenə hirslənə-hirslənə buraları yenidən yığışdırmalı olacam :)

Gecə yaman acımışdım.Əlimə keçən tərəvəzlərdən salat düzəldib,yedim.Quru nanə də səpmişdim..Necə onun ətri məni bihuş elədisə,yadıma düşbərə düşdü :).Gecəni düşbərənin xəyalı ilə yatdım)),səhər ilk iş ANAma düşbərə bişirməsini xahiş etmək oldu.Çoxdandır bişirilsə də yemirdim.Yemək baxımından çox kaprizliyəm,çox şey yemirəm.Daha doğrusu yeyə bilmirəm.Körpəlikdən belə olmuşam :S.İndi də gedib ANAma düşbərəni bükməkdə kömək edəcəm ;).Sonra da onu ləzzətlə nuş edəcəm,yeriniz məlum ;) Artıq ANAm çağırdı,gedim köməyimi edim ;)

Əslində mənə yazmağa həvəs verən havadır .O qədər gözəl hava var ki çöldə,super..Amma,mən evdəyəm :(.Hava bir az isinən kimi,valideynlərin öz körpələrini çöldə gəzdirməsini çox sevirəm.Özəlliklə də körpələri..Çox gözəl görünürlər.Onlar ANAlarının qucağında elə gözəl mışıl-mışıl yatırlar ki.Adamın lap körpə olmağı gəlir..Hələ 2-3 yaşlı balacalar :).


Gələk düşbərələrə :).ANAma dediyim kömək etdim,bükdük.Burda hansıın mənim,hansının ANAmın bükdüyünü demək bir az çətin olar :)) Düzdür düşbərə yay yeməyi deyil,amma,nəsə yaman könlümdən keçmişdi.Çünki,bu qış bişirilsə də mən yeməmişdim.

Həvəslə onun bişməyini gözləyərkən boş qalmayıb çoban salatı hazırladım.Çox dadlı salatdır.Özəlliklə hər yeməyin yanında da istifadə olunur,universaldır ;)

Bu da mənim çoxdan səbrsizliklə gözlədiyim yeməyim :)ANAmın da,Mənim də əllərimizə sağlıq ;)

Nuş Olsun :)!